قصيدة :- دوبامين أتبدل نيكوتين - الشاعر / محمد السيد طه

بعنوان :  دوبامين أتبدل نيكوتين

(  شعر عاميه  )
***********

كل أربع حيطان
ف أضه شيلين جواهم أسرار
وقلبك مليان دخان
كبركان أوشك على قرب الأنفجار

ومدينة زحمة جواك
بتزيد كل يوم زحمتها ودوشتها
بسكان غير أصلين
أحتلوا كل شوارعها وكافيهاتها

أصبحت الغريب
وأنت المالك

وكذلك

حكايات جوة العين
مامسحتهاش الدموع
رغم
سهرك وبكاك السبع
ليالي ف الأسبوع

وقهوتك اللي سكر زياده
بدون مبررات بقت ساده

نوم النهار
سهر الليل بقي عاده
أنخفاض ملازم
ليك لهرمون السعاده

دوبامين بيتبدل نيكوتين
فعجزت وأنت ف سن العشرين

*************
بقلم

الشاعر / محمد السيد طه




--------------------------------------------------------