قصيده بعنوان :- أسمعونا للشاعره / أميره السيد طه
قصيده بعنوان :- أسمعونا
أسمعونا
أحنا_الجيل
اللى قلتوا عليه دا جيل كسلان
مافيش
فى حياتوا
غير النوم
والفيس
والواتس كمان
قلتوا علينا جيل صوتوا عالى
مش وراه
غير القعده على القهاوى
طيب_أسمعونا
أحنا أيوه جيل صوتوا عالى سواء كنا
فى المدارس
أو
الجامعات
أو
قاعدين على القهاوى
صوتنا عالى على حق هو فيه شغل وقلنا لااء
فينا طاقه تهد جبال
نقدر نبنى ونعمر
بس فين المال
قلتوا علينا فاشلين وفى حياتنا مش ناجحين
يعنى يا
نكون دكاترة ومهندسين
يا أما
نكون فى نظركوا فاشلين
طيب_أسمعونا
أنتوا بكلامكوا بتضيعونا
نعمل أى علشان تفهمونا
أحنا_جيل
شاب وهوا لسه شباب
بنجري
ونكافح علشان نسبت لينا كيان
من وأحنا لسه عيال
قلتوا علينا كلام كتير وأسمعناكوا وأحنا ساكتين
عايزنا
نبقا زيكوا
وتعيشونا فى عصركوا
طيب_أسمعونا
أنتو كده بتحبسونا
#أحنا_جيل
عايز يعيش حريتوا
مش عايزين نتحبس فى عصركوا
ليه.............ليه بتبصوا لشخص مننا
لما يفشل فى دارستو أن شخص خلاص أنتهت حياتوا
وبقا فاشل فى نظركوا لحد مماتوا
لااء...أسمعونا.....
أحنا_جيل
لو فشل
فى دراستو
مش هيقبل أنوا يفشل تانى فى حياتوا
هيحارب علشان يوصل لحلمه
وهيفضل وراه لحد مماتوا
قلتوا علينا جيل هايف مفيش على لسانوا غير أحنا
فى زمن الحريه
والديمقراطيه
طيب_أسمعنوا
أحنا
أيوه جيل عايش حياتوا
بس حياه كل شخص فينا مش من أختياره
دى حياه رسمها ليه القدر
من غير ماياخد قراره
بتحسبونا ..................بتحسبونااا
على شيئ مش بأدينا
بجد كفايه أسمعونا
أسمعونا
أسمعونا علشان تفهمونا
أسمعونا.......... أسمعونا
*********************
*********************
بقلم الشاعره / أميره السيد طه
لدخول لصفحة الكاتبه علي الفيس
تعليقات
إرسال تعليق